Nazar – Part 3

thumb_d9d8eindian-flag---story-size_647_081515021254

Hum dono ki sanskriti bhasha rahan sahan sab alag

Fir bhi ham ek dusre ka aadar karte sammaan karte

Sab log ise ganga or jamuna ki tahzib kehte acha hai

Par ab sab badalne laga hai ab iska prabhav bikharne laga hai

Lagta hai kisi ne in dono ke jal me jahar ghol diya hai

Wo jahar ab hamare andar or bahar failne laga hai

Log ek dusre se jal rahe hai shak ki ungilyan uthne lagi hai

Wo mujhe ya to bhaga dena chahte hai ya mita dena

Or shayad kahin na kahin ye vichar ab mujhme bhi hai

Par main ise rok nahi pa raha roz koshish karta hun

Magar ye jahar ka asar bahut tez hai jo utaar nahi pata

Yah fail raha hai sab logo ke bich ek mahamaari hai

Yah chhut ki bimaari hai jo har ek ke andar fail raha hai

Kaise samjhao main unhe sab kuch to de diya ise

Ye dharti jo meri apni hai meri janmbhoomi hai

Iske bawajud main ek lutera hi raha hun sabki nazar me

Hajaro salo se mera khaandano ka khaandan yahi dafn hota raha

Fir bhi main babar or gauri hi raha hamesha raha

Magar main ab bhi yaha hun sangharsh karte huye

Kyoki bahut se aise hai jo mere kunbe ke nahi magar mere apne hai

Mujhe takleef hoti hai wo daude chale aate hai

Nafrato ki is daur me wo mera sath nibha jaate hai

Ye prem ye vishwas hi hai jo mujhe haiwaan nahi banne deta

Wo kehta hai abhi nahi abhi yaha insaniyat baki hai

Wo jaanwar jo kaid hai mujh jaise har ek shaksh ke andar

Wo taiyaar baitha hai bas ek ijhaar par sab nigalne ko taiyaari kar

 

 

Note :- aap sabse meri yah gujarish hai ki is sereis ki sabhi post ko padhe bagair mujhpe apna judgement na paas kare is post ka maksad kisi bhi vyakti vishesh jati dharm ke logo ke bhawnao ko thes pahuchana nahi hai balki iska maksad sirf un logo par kataksh karna hai jo dharm or itihaas ka rajnetikaran karke usme apni rotiya sekte hai fir chahe wah koi bhi ho.

__________________________________________________________________________________________

© 2017 Md Danish Ansari

Advertisements

5 विचार “Nazar – Part 3&rdquo पर;

एक उत्तर दें

Fill in your details below or click an icon to log in:

WordPress.com Logo

You are commenting using your WordPress.com account. Log Out / बदले )

Twitter picture

You are commenting using your Twitter account. Log Out / बदले )

Facebook photo

You are commenting using your Facebook account. Log Out / बदले )

Google+ photo

You are commenting using your Google+ account. Log Out / बदले )

Connecting to %s